4-9 сентябрь көннәрендә Казанның ГХАТ бүлекләрендә 461 пар язылышкан. Иң яшь кияү белән кәләшкә - 21 һәм 22 яшь, иң олы яшьтәгеләренә - 55 һәм 53 яшь. 

Шул ук чорда шәһәрнең ГХАТ бүлекләрендә 495 сабый (237 малай һәм 258 кыз) тууы теркәлгән. Туган вакытта иң җиңел һәм авыр бала авырлыгы күрсәткечләре – 2010 һәм 4720 грамм. Иң яшь анага – 21, иң олы яшьтәгесенә - 43, дип хәбәр итә Казанның ГХАТ идарәсе. 

Бу атнада әти-әниләр балаларына иң күбе Артем, Кәрим, Максим, Виктория, Ясминә, Алинә, Милана исемнәре кушкан. Бу атнада нәни казанлыларга кушылган иң сирәк исемнәр - Лавр, Кир, Әсман, Гаер, Кайя, Аймин Розетта, Әсма.